Accessibility links

якшәмбе, 4 декабрь 2016, Казан вакыты 23:29

AQŞ prezidentı George Bush Ğiraq suğışı öçen 80 milliard dollar birü qararın imzaladı.


Ğiraqtağı wäzğiätneñ üzgärüe bügennän Quşma Ştatlarda da sizelä başlıy. AQŞ prezidentı George Bush Ğiraqta qatı bäreleşlärneñ tämamlanuı terror qurqınıçı mömkinlegen kimette dip ilkülämendä terror qurqınıçı däräcäsen tübänräk kürsätkeçkä üzgärtte. Xäzer bu kürsätkeç 5 däräcäle bağananıñ urtasına küçerelä. Räsmilär Quşma Ştatlarnıñ törle öleşlärendä iminlek çaraları yomşartılaçaq dip belderde.

Bush bügen Ğiraq suğışı öçen 80 milliardqa yaqın dollar birü turında qaqarnı imzaladı. Saqlanu ministrlığı isä Ğiraqtağı xärbi çaralarğa küpme aqça kitüen iğlan itte. Pentagon äytüençä, suğışqa 20 milliard dollar totılğan. Monnan tış Ğiraqta meñnärçä xärbi totu oçen 30-nçı sentnäbrgä qädär ay sayın 2 milliad dollar kiräk bulır dip kötelä. Ämma AQŞ ğäskärläreneñ Ğiraqta küpme toraçağı äle bilgele tügel.

Bügen Bağdadqa Ğiraqtağı AQŞ citäkçelegendäge xärbi köçlär başlığı general Tommy Franks kilep biredäge AQŞ xärbi citäkçeläre belän oçraştı. Amerikanıñ başqa ber yuğarı xärbi citäkçese general William Wallace başqala yanındağı elekke Säddam xalıqara hawa alanında ğäskärlär belän oçraştı. Wallace Quşma Ştatlarnıñ 1-nçe cir öste diviziäse aldında çığış yasap, xärbi kizüne däwam itärgä kiräk, AQŞ ğäskärlärenä qarşı intixar höcümnäre häm başqa tör höcümnär äle dä bulırğa mömkin dide.

Ğiraqta tınıçlıq salqaw eşenä tizdän Ğiraq suğışında qatnaşmağan başqa illär dä quşılır kebek. Bolğarstan saqlanu minstrlığı Quşma Ştatlar tınıçlıq saqlaw ğäskärläre cibärüne sorap möräcäğät itte dip belderde. Bolğarstan Ğiraqqa xärbilär cibärü mäs’äläsen bu atna axırında qarar dip kötelä.

Bügen Aq Yort BMOnı Ğiraqqa qarşı çikläwlärne beterergö çaqırdı. Aq Yort süzçese jurnalistlarğa xäzer Ğiraq xalqı azat itelgännän soñ çikläwlärne beterergä kiräk dip belderde. 1990-nçı yılda başlanğan häm älegäçä ğämäldä qaluçı bu çikläwlär BMOnıñ neft’ öçen azıq-tölek programması qısalarınnan tış Ğiraqtan neft’ satıp alunı häm aña törle tawarlar satunı tıya. Süzçe çikläwlärne beterü Ğiraq belän normal’ säwdä mönäsäbätlären mömkin qädär tizräk yañartırğa yardäm itäçäk dide.

Naif Aqmal, Praga.
XS
SM
MD
LG