Accessibility links

якшәмбе, 11 декабрь 2016, Казан вакыты 07:23

ASEAN däwlätläre SARS virusına qarşı köräş çaraları turında söyläşer öçen Bankok’ta cıyıla


Qıtaynıñ sälämätlek saqlaw räsmiläre Pekinda SARS virusın yoqtıruçılar sanı 37 keşe dip xäbär itsä dä Yevropa Berlegenıñ tışqı säyäsäte komissionerı Chris Patten, Qıtay, ildä tarala barğan bu yaña çir turında çın mäğlümatne yäşerep kilä, dide. Bügen Hindstanda üpkä yalqınsınuınıñ yaña töre belän awırıp kitkän ber keşe terkälgän. Texnik belgeç bu çirne Singapurda yoqtırıp qaytqan dip farazlana. Hong Kongta Yıraq Könçığışnıñ İqtisadi Küzätüe isemle oyışma xisabına qarağanda yaña tör pnevmoniä Aziä däwlätlärenä inde 11 million dollarğa töşkän. Könyaqkönçığış Aziä däwlätläre wäkilläre 29 april könne Bankokta oçraşıp SARS virusı qurqınıçı turında söyläşäçäk. Thailand sälämätlek saqlaw ministrı Sudarat belderüençä, ASEAN-Könyaqkönçığış Aziä İlläre Assotsiäsiäsenä kergän 10 däwlät başlıqları cıyınında SARS virusına qarşı köräştä üzara yardäm itü häm mäğlümat alışu turında süz baraçaq. Şulay uq Bankokka Dönya Sälämätlek Saqlaw Oyışması räsmiläre dä kilä. ASEAN törkemenä Brunei, Kambocia, İndonesiä, Laos, Malayzia, Myanmar, Filippin, Singapur, Tailand häm Vyetnam kebek däwlätlär kerä. Alarnıñ 4sendä-pnevmoniäneñ yaña törennän ülüçelär bar.

XS
SM
MD
LG