Accessibility links

дүшәмбе, 5 декабрь 2016, Казан вакыты 11:31

Yähüd Pasxasında İsraeldä östämä iminlek çaraları kürelä


Yähüd pasxası bäyrämendä bügen Könbatış Yarda 1 yäş fälestin keşese atıp üterelde. Fälestinnär üzläre –bu keşeneñ suğışçılar belän ber bäyläneşe dä yuq ide, dide. İsrael ğaskärläreneñ wäkile-yäş fälestinle İsrael patrulenä yandırğıç maddäle şeşä attı, dip belderde. İsrael köçläre pasxa könnärendä Fälestinnärneñ Könbatış Yarda häm Gaza Sızığında xäräkät itüen tıydı, qayber cirlärdä kommendant säğate iğlan itte. Fälestinnär monı-cäza dip atadı. Uzğan yıl pasxa bäyrämendä fälestin intixar terrorçısı İsrael otelendä üze belän bergä tağın 29 keşene şartlatqan ide. Amerikan kongressı wäkilläre bügen Ramallah’da Fälestin citäkçese Yasser Arafat belän oçraştı. Kaliforniädän respublikannar wäkile Darrell İssa, Könbatış Virginia ştatınnan demokratlar wäkile Rahall häm New Yorktan demokratlar wäkile Maurice Hinchey, Amerikan Quşma Ştatları täqdim itkän İsrael belän Fälestin arasındağı tınıçlıq planın yaqlawların belderde. Bu oçraşular yaña bilgelängän fälestin premyer-ministrı Mahmud Abbasnıñ yaña xökümät tözüe aldınnan uza. Fälestinnärneñ Planlaştıru ministrı Nabil Shaath, Abbas üzeneñ yaña xökümäten Fälestin Qanun Çığaru Şurasına yäkşämbegä qadär täqdim iter dip kötelä, dide.

XS
SM
MD
LG