Accessibility links

пәнҗешәмбе, 8 декабрь 2016, Казан вакыты 11:09

Afin’da Yevropa Berlegeneñ yuğarı däräcädäge cıyını tämamlandı


Yevropa Berlege “Ğiraqnıñ säyäsäten häm iqtisadın ayaqqa bastıru eşendä qatnaşırğa niäte buluı” turında belderde. Afinda oçraşqan Berlek citäkçeläre qabul itkän belderüdä –Ğiraqnı tözekländerü eşe belän Berläşkän Millätlär Oyışması idarä itergä tieş, dielä. Yevropa Berlege räise bulğan Gretsiäneñ… premyer-ministrı Costas Simitis, kemneñ närsä eşliäçägen äytergä irtä äle, dide. Läkin Ğiraqta tärtip häm tınıçlıq urnaştıru, BMO eşe bula almıy, monıñ öçen Amerikan häm Britan xärbi köçlkäre cawaplı, dip östäde Gretsiä xökümäte başlığı. Yevropa Berlege summitında qatnaşır öçen çaqırılğan Oyışmanıñ General Sekretare Kofi Annan, humanitar missiädän başqa eşlär öçen İminlek Şurası mandatı kiräk, dip belderde. Gretsiä başqalasında ike könlek summit tämamlandı. 40qa yaqın däwlät wäkilläre qatnaşında kiçä 10 yaña namzätne Berlekkä qabul itü turında kileşügä qul quyıldı.

XS
SM
MD
LG