Süriä tışqı eşlär ministrı Farouq al-Şara, Damask, Amerikan Däwlät Sekretare Colin Powellneñ Süriägä säfären xuplar ide, dip belderde. “Ägär dä ul Damaskka kilergä teläsä-bez bu säfärne xuplıybız, ike il arasında söyläşü möhim bulaçaq. Bu şulay uq ike xalıq öçen genä tügel-Yaqın Könçığıştağı totrıqlılıq öçen faydağa bulaçaq,” dide al-Şara.
Bolar xaqında Süriä tışqı eşlär ministrı Qahirädä Misır prezidentı Hösni Möbäräk belän oçraşqannan soñ belderde. Oçraşuda süz Ğiraqtağı wazğiät häm Damask-Waşington arasındağı kierenkelek turında barğan dip xäbär itelde.
