Accessibility links

шимбә, 10 декабрь 2016, Казан вакыты 10:11

Tatarstanda tormış qibatmı?


Pänceşämbe könne Ministrlar Kabinetınıñ İqtisadıy häm sotsial' ezlänülär üzäge 4 keşelek ğailägä isäplängän yäşäw minimumı 12 aprilgä 1.451 rubl' täşkil itte digän xäbär tarattı. Ber atnağa yäşäw minimumı 0,1% ğına arttı dip “şatlandıralar“ xäbärdä. Şul uq waqıtta xökümät çinovnikları xäyerçelek sızığına turı kilgän minimal' qullanu büdjetı 80 rublgä artuı häm 3.936 rubl täşkil itüe, ä inde ratsional' qullanu byudjetı 12.805 rublgä citüendä ireşterälär. Ratsional' büdjetnıñ närsä ikänen añlatırğa da märxämät itälär xäkümät çinovnikları. Layıqlı tormış itü öçen, dilär alar, mondıy 4 keşedän torğan tipik ğailädä ata-ana ikesenä 51 meñ, yäğni $1.640 külämendä xezmät xaqı alırğa tieşlär. Mondıy ğailä büdjetına ireşkännärne avtomobil' alu, gastrollärgä kilgän danlıqlı sänğat'kärlär konsertlarına baru, Qırımda, Kaf tawlarında yal itü mömkinlekläre ayırıp tora dip añlatalar älege xäbärdä.

Läkin bolay matur itep isäpli belüçelär Tatarstannan başqa cirlärdä dä bar bit. Äle küptän tügel genä ber abruylı Rusiä gäzite Rusiä xalqınıñ tormış däräcäsen analizlap, şundıy layıqlı tormış däräcäsenä ireşeçülär bar xalıqnıñ 2% ğına täşkil itälär digän näticä yasağan ide.

XS
SM
MD
LG