Accessibility links

шимбә, 3 декабрь 2016, Казан вакыты 22:51

Rusiä deputatları kiçä üterelgän Liberal Rusiä partiäse räistäşläreneñ berse Sergei Yushenkovnı iskä aldı


Rusiäneñ Däwlät Duması kiçä üterelgän liberal deputat Sergei Yushenkovnı ber minut tınlıq belän iskä aldı. 52 yäşendä bulğan Yuşenkov kiçä eştän qaytışlıy üz öye yanında atıp üterelde. Deputat-eşquar Boris Berezovski yardämendä tözelgän Liberal Rusiä partiäse citäkçeläreneñ berse ide. Duma wäkilläreneñ kübese üterüne –säyäsi cinäyät dip atadı häm Rusiädä säyäsi cinäyätçelärneñ cäzasız qaluına borçılu belderde. Uzğan yıl şulay uq Liberal Rusiä citäkçeläreneñ berse Vladimir Golovlev üterelgän ide. Kiçä genä Liberal Rusiä firqase räsmi terkälüe häm dekabr ayında uzaçaq parlament saylawlarında qatnaşaçağın beldergän ide. Yushenkov yäkşämbe könne cirlänäçäk.

XS
SM
MD
LG