Accessibility links

чәршәмбе, 7 декабрь 2016, Казан вакыты 15:27

Rusiädä tağın ber milli-mädäni oyışma oyışa


Pänceşämbe kiç ber törkem milli-mädäni oyışmalar başlıqları Mäskäwgä yul tottı. 18 aprildä Rusiä başqalasında iñ zur milli berläşmälär citäkçeläre cıyılıp, Bötenrusiä milli-mädäni oyışmalar assotsiatsiäsen oyıştıru mäsäläsen tikşeräçäklär. Prezident Hoteldä tügäräk östäl artında däwlätneñ milli säyäsäte konsepsiäsenä östämälär uzaçaq, tözätmälär kertü turında eşlekle söyläşü bulaçaq. Älege çarada Tatarstan xökümäteneñ vitse-premyerı Zilä Wälieva häm Bötendönya tatar kongressı Başqarma komitetı räise Rinat Zakirov qatnaşa.

Yäkşämbedä isä Mäskäwdäge tatar cämäğätçelegen ber qızıqlı oçraşu kötä. Äsadullaev yortında uzaçaq bu çarada Qazannan Tatarstan yäşläre gazetasınıñ baş redaktorı İsmäğil Şäräfiev häm mädäniät bülege mödire Flürä Nizamova qatnaşırğa niätli. Gazeta uquçıları belän oçraşu cır belän ürelep barır. Tatarstan yäşläre belän bergä Mäskäwgä tanılğan cırçı Röstäm Zakirov häm bayançı Marat Şäyxetdinov ta yul ala.

XS
SM
MD
LG