Accessibility links

сишәмбе, 6 декабрь 2016, Казан вакыты 08:54

BTK çittäge tatarlarnıñ xoquqların yaqlamaqçı


Pänceşämbe kiç Bötendönya tatar kongressınıñ Başqarma komitetı ber qızıqlı kiñäşmä uzdırdı. Anda cıyılğannar nigezdä xoquqçılar ide. Törle töbäklärdä yäşägän tatar keşeseneñ xoquqları turında kem qayğırta? Ägär alar bozıla ikän, kem ul keşene yaqlıy? Öçençe qorıltayda äytelgän qayber täqdimnärne iskä alıp, BTKnıñ Başqarma komitetı bu mäsälälär belän şöğellänü öçen törkem tözergä buldı. Ul 9 keşedän toraçaq. Häm ayğa ber tapqır cıyılıp, kongressqa kilgän şiqäyätlärne analizlayaçaq. Kiräk bulsa, täcribäle xoquqçılar, advokatlar urınnarğa baraçaq. Soñğı arada andıy borçulı xällärneñ bulıp torğannın BTKnıñ Başqarma komitetı räise Rinat Zakirov iskärtte.

Bäläbäy gimnaziäse direktorı Nurmöxämmät Xösäinov Irınbur ölkäsendäge Färit Nogmanov, Çiläbe ölkäsendäge radiatsiädän ağullanğan tatar awıllarındağı millättäşlärebez tieşle yuridik yaqlawğa moxtaclar. Kiñäşmädä Tatarstanda keşe xoquqların yaqlawçı wäqälätle wäkil Räşit Wäğizov, Qazan Universitetı ğalimnäre häm advokatlar qatnaştı.

XS
SM
MD
LG