Accessibility links

шимбә, 3 декабрь 2016, Казан вакыты 22:56

Bügen xalıqara häykällär köne


Tatarstan cirlegendä alar baytaq. Çönki bez tarixi cirlektä yäşibez. Häykällärneñ törlese bar: küñelgä yatışlıları, kilbätsezläre häm quyılmağannarı. Menä şundıylardan milli cämäğätçelekne borçığannarı: Qazannı yaqlap şähit kitkännärgä, Salix Säydäşevkä häykällär. Xäzergä granit häm märmär qorılmalar quyu urınına yözlägän protokol, stenogrammalar, qararlar ğına yazıldı. Läkin alar bürokratiä, ozaq qimıldawçılar yädqäre genä bulıp tora. Tağın ber küreneş – Qazannıñ törle uramnarında häm xätta baş maydanında älegä xätle Lenin babayğa häykällär bar. Çorı uzğan, cırı cırlanğan bulsa da, alarğa izge sıyırlarğa sıman, beräw dä qağılmıy.

Xalıqara häykällär köne uñayınnan comğa könne Şähri Qazan gazetasında Tatarstan mädäniät ministrı İldus Tarxanovnıñ mäqäläse basılğan. Anda xökümätneñ bu yünäleştäge eşläre, qararları iskä alına, mädäni, tarixi mirasnı saqlap qaluğa zur xezmät quyğan xezmätkärlärgä, belgeçlärgä, häm xätta jurnalistlarğa räxmät äytelä. Läkin millätpärwärlärne borçıy torğan häykällär yazmışı xaqında ministr ber süz dä äytmägän. Bälkem, bäyräm könne küñelne tırnap torğan närsälär turında söyläwne urınsız dip tapqandır.

Damir Ğısmetdin, Qazan

XS
SM
MD
LG