Accessibility links

шимбә, 10 декабрь 2016, Казан вакыты 04:13

SARStan tağın 12 keşe ülde


SARS dip atalğan, ğädättän-tış pnevmoniä çirennän uzğan täwlek eçendä Hong Kongta tağın 12 keşe ülgän. Bu ber kön eçendä bu çirdän ülgän keşelärneñ iñ zur sanı bulıp tora. Şulay itep Hong Kongta SARStan ülgän keşelär sanı 81-gä citte. Bu çir uzğan yılnıñ noäberendä Qıtaynıñ könyağındağı Ğuan-Dong töbägendä qabınıp kitte. Qıtay räsmiläre meñ-yarım keşeneñ awıruwı, 67-seneñ ülüwe turında xäbär itte. Ämmä Bötendönya Sälämätlek Saqlaw Oyışması - Pekinnıñ üzendä genä dä bu san 5 tapqır zurraq dip sanıy. Bügen Qıtay premier-ministrı Wen Ciabao bu çirne yäşergän keşelärgä qırıs çaralar belän kisätte.

SARS çire dönyağa taraluwın däwam itä. Bu çirdän bar dönyada ülgän keşelär sanı 170-kä citte. SARS virusına qarşı älegä ber çara da yuq.

XS
SM
MD
LG