Accessibility links

пәнҗешәмбе, 8 декабрь 2016, Казан вакыты 05:22

SARStan Qıtayda tağın 12 keşe ülde


Qıtayda SARS çire turında çın mäglümätneñ yäşerelep kilüwe açıqlanğannan soñ Sälämätlek saqlaw ministrı häm Pekin merı partiä citäkçeläre urınnarınnan azat itelde. Sinxua agentlığı xöbär itüençä, bu çirdän tağın 12 keşe ülgän, 300-läp keşedä virus tabılğan, alarnıñ kübese Pekinda. Virusnıñ taraluwın kimetü maqsatında Qıtay räsmiläre ber atna däwam itkän May bäyrämnären ütkärmäskä qarar itte. Bu yallar waqıtında Qıtaylılar il buylap säyäxät itä, tuğannarına yöri.

Bügen Hong Kongta tağın 7 keşeneñ ülüwe, 22 keşedä virus tabıluwı xäbär itelde. Bar dönya buylap SARS çirennän ülgännär sanı 200-gä citte. Qıtay, Hong Kong, Singapurdan qala, ülü oçraqları Kanada, Vietnam, Tailand, Malayziada terkälde.

Bötendönya Sälämätlek Saqlaw oyışması bu çirgä säbäp bulğan virusnıñ açıqlanuwı turında xäbär itte.

XS
SM
MD
LG