Accessibility links

якшәмбе, 4 декабрь 2016, Казан вакыты 00:58

Çeçnyada kimendä 7 xärbi xäläk bulğan


Uzğan täwlek eçendä Çeçnyanıñ törle urınnarında Federal köçlärgä 18 tapqır xöcüm yasalğan dielä. Näticädä 7 xärbi xäläk bulğan, 7-se yaralanğan. Çeçnyanıñ Mäskäw taraflı administartsiä wäkile äytüençä, Argun yanında ber maşinağa ut açılğan. Näticädä 2 xärbi xäläk bulğan, berse yaralanğan. Urus-Martanda ber militsiä xezmätkäre üterelgän. Kurçaloyda Çeçnyanıñ iminlek xezmäte häm suğışçılar arasında bäreleş bulğan. Çeçnya administratsiäseneñ natbuğat üzäge belderüençä, ber militsiä xezmätkäre üterelgän, separatislar yağında 2 keşe ülgän. Başqala Groznıyda militsiäneñ rayon bülege başlığı Adnan Takaev häm anıñ 4 tän saqçısı utırğan UAZ maşinası fugasta şartlağan. İnterfax agentlığı xäbär itüençä, maşina şaqtıy cimerelgän, ämmä andağı keşelärgä zıyan kilmägän. Bu xälgä bäyle räweştä ber keşe qulğa alınğan, başqaların ezläw däwam itä.

XS
SM
MD
LG