Accessibility links

җомга, 9 декабрь 2016, Казан вакыты 14:35

Ärmänstan parlament saylawlarına äzerlek başlanu turında räsmi iğlan itte


25 may könne Ärmänstan xalqı parlamentnı saylıyaçaq. Kiçä Üzäk Saylaw Komissiässe, parlamenttağı 131 urın öçen köräşäçäk 20dän artıq säyäsi firqa, 500gän yaqın bäysez namzät terkäde. Üz möddäten tämamlap kilüçe xäzerge Ärmänstan parlamentında küpçelekne prezident Robert Kaçarian tarafdarları täşkil itä. Kaçarian uzğan ayda ikençe tapqır prezident itep saylandı. Prezident yaqlı köçlär bulaçaq saylawlarda da küpçelek urınnarnı saqlap qalırğa ömetlänä. Oppozitsiädäge iñ populyar törkem-küptän tügel genä Kaçariannıñ töp kändäşe citäkçelegendä tözelgän Ğadellek Berlege. Demirçian 5nçe mart könne uzğan prezident saylawlarında üzeneñ ciñelüen tanudan baş tartqan ide häm parlament saylawlarınıñ ğadäl uzğan xäldä anda ciñäçägen beldergän ide. Yevropa Şurası prezident saylawlarında bulğan citeşsezleklärne qabatlamasqa çaqırıp, ğadel bulmağan saylawlar Ärmänstannıñ keşe xoquqları oyışmalarında äğza buluın şik astına quya, dip belderde. Parlament saylawları belän bergä 25 may könne referendum uzaçaq. Xalıq konstitutsiägä prezident Kaçarian tarafınnan äzerlängän üzgäreşlär mäs’äläsendä tawış biräçäk. Robert Kaçarian, konstitutsiägä östämälär-prezident xakimiäten qısqartıp parlamentka kübräk wäkälätlär biräçäk, disä, anıñ köndäşläre-näq qarşısın belderä.

XS
SM
MD
LG