Accessibility links

җомга, 9 декабрь 2016, Казан вакыты 22:31

AQŞ, Tönyaq Korea häm Qıtay qatnaşlığında başlanaçaq Peking söyläşüläre näticäle tämamlanır mikän?


Pxenyangnıñ atom programmasın başlatuı häm anıñ atom qoralların cäyeldermäü kileşüennän çigenüe belän Korea yarım utrauında xasıyl bulğan kierenkelekne sülpänäytüne mäqsat itep quyğan söyläşülärneñ berençe raundı çärşämbedä Qıtay başqalasında başlana.AQŞ belän Tönyaq Korea räsmiläre arasında baraçaq 3 könlek söyläşülärdä öy xucası Qıtaynıñ nindi rol uynayaçağı bilgele tügel .

Korea utrauında 6 ay buyı kiskennäşä barğan xällärdän soñ nixäyät Tönyaq Korea, AQŞ häm Qıtay Pekingdä söyläşergä rizalaştı. Pxenyangnı atom ambitsiälärennän , anıñ 1994-nçe yılğı kileşüne bozıp ütkän yılda aktivlaştırğan atom programmasınnan vazkiçterü töp mäsälä bulıp tora. Tönyaq Korea AQŞ belän ikele söyläşülär taläp itep kilde, ämma 10kön çaması elek ul pozitsiäsen yomşarta töşkäç çärşämbedäge oçraşuğa yul açıldı. Qıtaynıñ töğäl nindi rol uynıyaçağı bilgele bulmağan bu söyläşülärgä alğa taba Könyaq Korea, Yaponie ä bälkim Russiäneñ dä qatnaşuı mömkin. Yaponie xökümäte süzçese Yasuo Fukuda (audio) Küpkenä illärneñ alıp barğan söyläşülärdän soñ AQŞ, Tönyaq Korea vä Qıtay arasında başlanaçaq söyläşülär berençe adım.Yaponie xökümäte söyläşülärne Tönyaq Korea mäsäläsen tınıç yullar belän xäl qıluda berençe adım dip xuplıy Däwlät Departamentınnan Phil Reeker dä ütkän atnada Waşingtonnıñ Tokyo, Mäskäü häm Seulnıñ sonğı çiktä söyläşülärgä qatnaşuın kürergä teläwenä işarä itkän ide. Reeker (audio) Ber närsä açıq söyläşülär nindi genä däräcädä , kemnärneñ genä qatnaşuı belän başlanmasın,sonğı çiktä töbäktäge barlıq kürşelärneñ qaraş häm fikerläre çağıldırılırğa tieş. Söyläşülärdä progress, yäki näticä bulır digän garantiä yuq. İn möhime ,Pxenyangnıñ şiklänelgän atom programmasında küpme progress yasağanı bilgele tügel. Tönyaq Korea ber söylägändä atom programamsınıñ tämam tınıç mäqsatlar öçen buluın äytsä, ikençesendä ul atom qoralları eşläp çığarırğa cıyınuın belderä. Pxenyangnıñ söyläşülärdän elek yomşağraq pozitsiä aluı, anıñ atom qorallarında kompromisqa barırğa cıyınuına işaräme, ällä ul atom qoralları AQŞnıñ höcümen tuqtata alaçaq berdänber çaramı dip qarıy, bu turıda qatğıy fiker beyan itü mömkin tügel. Söyläşülärgä ber kön qala Seulda konservativ ber törkemneñ cıyılışında çığış yasağan AQŞnıñ Könyaq Koreadağı köçläreneñ komandire general Leon LaPorte Tönyaq Koreanıñ cimerelgän iqtisadı, aktiv atom programmması alıp baruı, raketa texnologiesen cäyelderüenä, qoralları Könyaq Koreaga töbälgän zur armiägä işarä itep, (audio) Tönyaq belän Könyaq arasındağı demarkatsiä sızığı dönyada in nıq qorallanğan urın häm ul potensial konfrontatsiä öçen säxnä bulıp tora Tönyaq Korea xärbilkäre global totrıqlılıqqa qurqınıç tudıra. General solıx urnaştıru öçen tırışmağan Tönyaq Koreanı ğäyepläp söylägän, Ul şulayuq çärşämbedä başlanaçaq söyläşülärne dä telgä almağan.LaPorte Könyaq Koreada 37meñlek amerikan köçläreneñ komandirı. Pxenyang da AQŞ imperialistları Korea utrauında tınıçlıqnı blokadalıy, atom suğışı qurqınıçı säğät sayın arta bara digän retorika alıp bara bu aralarda, Ämma taraflar östäl tiräsenä cıyılğaç söyläşü tonı üzgärer dip kötelä.Bugen Pekinggä AQŞ däwlät sekretarınıñ könçığış Azie mäsäläläre buyınça yardämçese james Kelly Kilde. Pekingdäge AQŞ ilçelege süzçese Kelly Tönyaq Korea tışqı eşlär ministırlığında AQŞ mäsäläläre bülege direktorınıñ urınbasarı Li Gun belän oçraşa dip äytte. Söyläşülärgä Qıtay yaqınnan tışqı eşlär ministırlığınıñ Azie mäsäläläre citäkçese Fu Yung qatnaşa. Qıtaynıñ bu çärşämbedä başlanaçaq söyläşülärdäge role bilgele tügel.Peking oçraşu regionda kierenkelekneñ kimüenä kiterer digän ömed belderä.Ämma atna azağında Qıtaynıñ Seuldağı ilçese bez oçraşuda aradaşçı bulırğa cıyınmıybız , söyläşülär AQŞ belän Tönyaq Korea arasında baraçaq dip äytkän bulğan. Söyläşülärdä AQŞ Pxenyangdan atom programmasın tuñdırunı tügel ä yuq itüne taläp itäçäk dip kötergä kiräk. Ämma qurıqqan häm panika xälendä bulğan Tönyaq Korea moña riza bulır mikän? Här xäldä çärşämbedä başlanaçaq söyläşülärdä bu qatmarlı mäsälä tizlektä xäl qılınır dip kötep bulmıy.

Färidä Xämit;Praga
XS
SM
MD
LG