Accessibility links

сишәмбе, 6 декабрь 2016, Казан вакыты 19:12

Tatarstan "Transneft" kompaniäse belän xezmättäşlek turında kileşü tözede


Sişämbe könne Tatarstan prezidentı sarayında Tatarstan xökümäte isemennän premyer-ministr Röstäm Miñnexanov häm neftne transportlau buyınça "Transneft'" aksionerlıq kompaniäse" açıq aksionerlıq cämğiäte prezidentı Semen Vaynştok xezmättäşlek turındağı kileşügä qul quydı. Kileşügä qul quyuda Tatarstan Respublikası Prezidentı Mintimer Şäymiev, TR Prezidentı apparatı citäkçese Äqzam Ğobäydullin, neft, ğaz häm cir astı baylıqların faydalanu mäsäläläre buyınça TR Prezidentı qarşındağı däwlät kiñäşçese Renat Möslimov häm başqa küp kenä citäkçelär qatnaştı.

Bügen "Transneft - Rossiädä tabiği monopoliälärneñ berse bulıp tora, dönyada neft' ütkärüçe iñ ere kompaniälärdän sanala. Anıñ magistral' torbaütkärgeçlärneñ ğomumi ozınlığı 48,6 meñ kilometr täşkil itä. Häm alardan yıl sayın Rossiädä tabılğan neftneñ 93 protsentı ütkärelä, şulay uq BDB illärennän çimal küçerelä.

Soñğı öç yılda "Transneft'"tä 1,5 meñ kilometrğa yaqın yaña neftütkärgeç tözelde, yaña citeşterü mömkinlekläre buldırıldı. Yıl sayın yañartıp tözügä häm modernizatsiäläügä kompaniä 1 milliard dollar sarıf itä. 2003 yılda "Transneft"neñ torbaütkärü mömkinlekläre 16 protsentqa, yäğni 24 million tonnağa üsär dip kötelä.

XS
SM
MD
LG