Accessibility links

Кайнар хәбәр

Mäsgüdä Şämsetdinova Amerikağa qaytıp kitte


Berniçä atna elek Amerikadan Qazanğa qunaqqa qaytqan Mäsgüdä Şämsetdinova Tatarstandağı mädäni tormışqa qatnaşıp yörgän ide. Sişämbe kiçendä ataqlı kompozitor Qazannan Mäskäwgä yulğa çıqtı. Annarı ul Amerikanıñ Seatl şähäre, üzeneñ ğailäse yanına oça. Qazanğa qaytqaç, Mäsgüdä Şämsetdinova tatar yäşlär teatrında quyılıp yatqan “Saq-Soq” äsärenä muzıka yazu belän şöğellände, tuğan yağına häm Tatarstan rayonnarına bardı. Mäsgüdä Şämsetdinova qızıqlı häm talantlı äsärlär yazğan, milli muzıkanıñ häm klassik sänğät''neñ mäğnäsen añlawçı, bilgele kompozitor. Ul Mäwlid bäyräme turında dissertatsiä yazıp, bu xezmätne filosofiä belgeçlege buyınça Sankt-Peterburgta yaqlağan ide. Mondıy ğilemle häm talantlı şäxeslärne törle illärdä räxätlänep qabul itälär. Amerika Mäsgüdä xanımğa häm anıñ ğailäsenä şul ildä yäşärgä röxsät birgän häm bu ğailä Seatl qalasında yaxşı ğına urnaşıp, ğömer itä başlağan.
XS
SM
MD
LG