Accessibility links

сишәмбе, 6 декабрь 2016, Казан вакыты 22:54

BMO İminlek Şurası Ğiraq turında rezolyutsiäne üzgärtä ala


Berläşkän Millätlär Oyışmasınıñ General Sekretare Kofi Annan Ğiraqta tıyılğan qorallarnı ezläw eşe belän oyışmanıñ qoral inspektorları citäkçelek itergä tieş, dip belderde. İminlek Şurasınıñ soñğı rezolyutsiälärendä dä qoral ezläw wäkälätläre Quşma Ştatlarğa tügel, ä qoral inspektorlarına birelgän. Alay da İminlek Şurası rezolyutsiäne yañadan qarap çığıp üzgäreşlär kertä alaçaq, dide Annan. “Xäzerge rezolyutsiä nigezendä inspektorlarnıñ kire qaytuları taläp itelä, Şura anı üzgärtä alaçaq. Läkin xäzerge waqıtta-bu… qabul itelgän rezolyutsiä , Hans Blix häm Mohammäd Äl-Baradei näq şul rezolyutsiä nigezendä eş itä”, dide Annan. Kiçä Berläşkän Millätlär Oyışmasındağı Amerikan wäkile John Negroponte, Quşma Ştatları Ğiraqnı qoralsızlandıru wazifasın üz östenä ala dip beldergän ide. Bügen şulay uq Yevropa Berlegeneñ tışqı eşlär komissionerı1 Chris Patten da Ğiraqnı tözekländerü häm qoralsızlandıru eşendä Berläşkän Millätlär Oyışması citäkçelek itergä tieş, dip belderde.

XS
SM
MD
LG