Accessibility links

шимбә, 3 декабрь 2016, Казан вакыты 01:30

Serbiä xökümäte Zoran Djindjiçnı üterelüçelärneñ ezenä töşte


Associated Press mäğlümat agentlığı belän uzdırğan äñgämäsendä Serbiä premyer-ministrı Zoran Zivkoviç elekke xökümät başlığı Zoran Djindjiçnıñ üterelüennän soñ serb politsiäse cinäyätne oyıştıruda ğayeplängän Qızıl Beretlar cinäyätçel törkemne faş itte, dip belderde. Yugoslaviä prezidentı Slobodan Miloşeviç rejimı waqıtında bu xärbilär-maxsus politsiädä xezmät itkän bulğan. Miloşeviç tarafdarları äle dä ğaskärlärdä köçkä iä ide, läkin aldağı ber-niçä aydağı reformalar bu köçne bötenläy yuqqa çığaraçaq, dide Zivkoviç. 12 mart könne Djindjiçnıñ ütereleüennän soñ Serbiädä iğlan itelgän ğadättäntış wazğiät kiçä ğamäldän çığarıldı. Serbiä xökümäte, Berläşkän Millätlär Oyışması tribunalı tarafınnan ezlängän cinäyätçelärne tabırğa dip dip belderde Zivkoviç. Suğış cinäyätläre qıluda ğayeplängännär arasında, xäzerge waqıtta Serbiädä buluı şiklänelgän Bosniä Serb xärbi citäkçese Ratko Mladiç ta bar. NATOnıñ tınıçlıq saqlaw ğaskärläre qulğa alğan alban suğışçıları citäkçese Şewket Musliu’nı Serbiä xökümäte üzenä tapşırırğa soradı. Serbiä premyer-ministrı urınbasarınıñ matbuğat wäkile, bu xaqta möräcäğät Kosovodağı yuğarı räsmi wäkil Michael Steinerğa cibärelde dip belderde. Şteinerğa şulay uq alban yulbaşçısına belderelgän ğayepläwlär turında böten qağäzlär dä cibärelgän. Musliu üze böten ğayepläwlärne kire qağa.

XS
SM
MD
LG