Accessibility links

җомга, 9 декабрь 2016, Казан вакыты 22:13

Yukos belәn Sibneftneŋ berlәşüe hәm xөkümәtneŋ mona mөnәsәbәte


Russiә xөkümәte nefte industriәseneŋ xosusi sektorın yaqlau mәsәlәsendә qapma-qarşı işarәlәr cibәrә. Ber yaqtan Yukos belәn Sibneftneŋ 35 miliard dolarlıq berlәşüen yaqlauın belderә, ikençe yaqtan, Yukosnıŋ Kөnçığış Seberdәge eşçәnlegen, dәvlәt milke şirkәtlәrne yaqlap, kirtәlәr quya.

Xөkümәtneŋ өlkәn rәsmi şәxeslәre, şul sanda premier Kasyanov Russiәdә ikençe urında torğan Yukosnıŋ, bişençe urında torğan Sibneft belәn berlәşep, dөnyadağı dürtençe ere nefte şirkәte xәlenә kilülәren xuplap çıqtı. Bu eş 35 miliard dollarlıq. Yüzәr milionnağan dollarlıq aksiәlәr, Yukos başlığı Xodoroviç belәn Sibneftneŋ tөp xucası Abramoviçnıŋ qulında tuplandı. Angliәneŋ Faynenşial Tayms gazetasınıŋ yazuınça bu ike şirkәt bergәlәp kөnenә ike milion 300 meŋ miçkә nefte çığaraçaq. Bu Rusisәdә çığarıla torğan kөndәlek nefteneŋ 30 protsentın tәşki itә. Kasyanov bu berlәşü Russiәneŋ dөnya nefte bazarındağı konkurensiә sәlәten üzsterәçәk . bu bik mөhim hәm uŋay vaqiğә. Rusisә monnan fayda ğına kürәçәk dip belderde. Finans ministere Kudrin dә bu xosusi sektornıŋ nindi uŋay nәticәlәrgә kiterә alaçağın kürsәtkәn misal bulıp tora dip әytte. Lәkin, ikençe yaqtan, xөkümәt Yukosnıŋ Kөnçığış Seberdәge eşçәnlegen kirtәlәr quya kebek. Milli Çığanaqlar Ministelege soŋğı aylarda nefte hәm gaz litsensiәlәrne yaŋartu eşçәnlege ramnarında nigezdә ber şirkәtneŋ , Yukosnıŋ ğına eşçәnlegen centeklәp tikşerә başlağan. Inspektorlar Salım Ministerlegennәn Yukosnıŋ tabiği mөhitkә kitergәn zianın bilgelәvne sorıuyaçağın belderdelәr. Tәnqit nigezdә Yukosnıŋ Tomsk hәm Yakutiәdәge eşçәnlegenә yünәlderelgәn. Andağı nefte isә Qıtayğa tөzelüe planlanğan neftütkәrgeçen nefte belәn tәmin itәrgә tieş. Yukosqa yünәlderelgәn tәnqitlәr, dәvlәt kontrolendәge Rosneft hәm Gazpromnıŋ Kөnçığış Seberdәge eşçәnlege belәn bәylәngәn digәn fiker bar. Şuşı ike şirkәt Qıtay nefteütkәrgeçe proyektına qarşı, alar neftene Yaponiәgә satu өçen nefteütkәrgeçen Naxotqa portına totaştırunı yaqlıylar. Kürәseŋ xөkümәt Yukosnıŋ şuşı regiondğa ütep kerüen telәmәde. Kasyanovnıŋ belderüe, xөkümәtneŋ bu konfliktta pozitsiәsen üzgәrtüen aŋlatamı-yuqmı, monısı xaqında fiker yөretü әlegә irtә. Lәkin, Energetika ministere Igor Yusufovnıŋ xөkümәt dәvlәt kontrole başqa formada saqlanğan xәldә, eksport ütkәrgeçlәren xosusilәşterügә rәxsәt itte dip uzğan atnada belderde. Bәlkim bu Yukosnıŋ nefteütkәrgeçen Qıtayğa toraştıru qararın yaqlaunı da işarә itә torğandır. Lәkin, Yukosnıŋ Seberdәge bülekçәlәrenә qarşı yünәlderelgәn aktivlıq әlegә tuqtalmadı. Şul sәbәple Kasyanovnıŋ berlәşüne xuplağan belderüe, xөkümәt sәyәsәteneŋ üzgәrüen aŋlata dip әlegә әytep bulmıy.

Fәrit Idelle, Praga
XS
SM
MD
LG