Accessibility links

пәнҗешәмбе, 8 декабрь 2016, Казан вакыты 01:20

Xalıqara cämäğätçelek Ğiraqqa kertelgän çikläwlärneñ kübesen beterüne xuplıy


Rusiä tışqı eşlär ministrı İgor İvanov Berläşkän Millätlär Oyışması Ğiraqqa bilgelängän çikläwlärne öleşçä beterergä cıyına, dip belderde. Humanitar mäs’äläne çişüne ciñeläytü öçen küpçelek däwlätlär sanksiälärne beterüne xuplıy. Läkin Rusiäneñ şul illär isemlegendä bulu-bulmawı turında İvanov ber süz dä äytmäde. Uzğan atnada Amerika Quşma Ştatları böten sanksiälärne beterergä çaqırdı, bu atnada Fransiä-xärbi bulmağan çikläwlärne tuqtatırğa dip möräcäğät itte. Britaniä saqlanu ministrı Geoff Hoon, Ğiraqta qoral tikşerüläre däwam itergä tieş, dip belderde. İnspeksiäne-Amerikannar citäkçelegendäge koalitsiädä qatnaşmağan ber däwlät alıp barırğa tieş dip östäde Hoon. Berläşkän Millätlär Oyışmasınıñ Keşe Xoquqları Komissiäse utırışında oyışmanıñ General Sekretare Kofi Annan, Ğiraqtağı Amerika Quşma Ştatları citäkçelegendäge koalitsiä xalıqara qanunnarnı xörmät itergä tieş, dip belderde. Koalitsiä köçläre “Basıp alınğan cirlärdä idarä itü häm suğış totqınnarı turındağı qanunnarnı” onıtmasqa tieş, dip östäde. Kofi Annan’nıñ bu süzläre Berläşkän Millätlär Oyışmasındağı Amerikan ilçese Kevin Moley’nıñ kisken reaksiäsenä säbäp buldı. Moley süzlärençä Amerika Quşma Ştatları-üzen “basıp aluçı köç itep sanamıy” häm xalıqara qanunnarnı üti. Keşe Xoquqları Komissiäse üzeneñ Genevada yılına ber uza torğan altı atnalıq sessiäsen irtägä tämamlıy.

XS
SM
MD
LG