Accessibility links

пәнҗешәмбе, 8 декабрь 2016, Казан вакыты 17:20

Tönyaq Koreanıñ atom programması turındağı söyläşülärneñ ikençe köne tämamlandı


Bügen Tönyaq Koreanıñ atom programması turındağı söyläşüläreneñ ikençe köne uzdı. Yabıq işeklär artında uzğan bu oçraşu turında Amerikan wäkile , Däwlät Sekretare urınbasarı James Kelly ber süz dä äytmäde. Tönyaq Korea, nizaqnı çişüneñ yulı-Amerika Quşma Ştatlarnıñ Tönyaqqa qarata säyäsäten üzgärtüendä , dip belderde. Japoniä premyer-ministrı Junichiro Koizumi, Amerikan prezidentı George Bush belän söyläşkännän soñ, Tönyaq Korea nizağınıñ säyäsi häm diplomatik çaralar belän çişelergä tieşlegen belderde. “Bu mäs’älädä Bush belän söyläştek, häm bez berdäm fikerdä qalabız-Tönyaq Korea tiräsendäge nizaq säyäsi häm diplomatik yullar belän çişelergä tieş. Amerika Quşma Ştatlarnıñ bu mäs’älädä Ğiraq ısulın qullanaçağına ışanmıym”, dip belderde Yaponiä premyer-ministrı.

XS
SM
MD
LG