Accessibility links

Кайнар хәбәр

Villepin: İranda keşe xoquqları mäs’äläsendä alğa kiteş bar


Fransiä tışqı eşlär ministrı Dominique de Villepin, üzeneñ Yaqın Könçığış illärenä säfäre qısalarında ber köngä İranda tuqtaldı. İrannıñ tışqı eşlär ministrı Kamal Kharrazi belän berlektä uzdırğan matbuğat oçraşuında Villepin, İranda “keşe xoquqları mäs’äläsendä alğa kiteş bar” dip belderde. Villepin İrannı atom töş qoralnı cäyeldermäw turındağı kileşügä tağın östämä protokol qabul itergä çaqırdı. Amerika Quşma Ştatlarnıñ, İran, qoral citeşterü öçen üzendä atom programmasın cäyelderä digän ğayepläwlären Tähran kire qaqtı, maqsat-barı tik xärbi bulmağan maqsatta atom energiäse citeşterü, dip cawap birde İran räsmiläre. Şulay uq İrannıñ Ğiraq eşlärenä tıqşınuı turındağı ğayepläwlärne dä İran tışqı eşlär ministrı Kamal Kharrazi kire qaqtı. Ğiraqtağı Amerikan ğaskärläre İran çigen ütep kerergä tieş tügel, dide Kharrazi.
XS
SM
MD
LG