Accessibility links

якшәмбе, 11 декабрь 2016, Казан вакыты 07:25

Federatsiä Şurası Tatarstan Däwlät Şurası qararın yuqqa çığaru xoquqına iä bulmawın tanırğa mäcbür


Çınnanda, säyäsi möxitneñ kük qapusında barğan bil alışlar xalıq öçen bik yıraqta. Şulayda, säyäsät hönäre bulğan şäxeslär mondıy waqiğalärneñ pul'sın gel küzätep toralar. Mäğlüm ki, çärşämbe könne Rusiä Federatsiä Şurası Räfğat Altınbayıvnıñ wäqälätlärennän möddätennän alda buşatıluın tanımadı. Bu mäs’äläne tawışqa quyğaç 61, yäğni küpçelek senatorlar raslawğa qarşı çıqtı. Küp tä ütmäde, inde töştän soñ uq, Tatarstan mäğlümat çaraları Mintimer Şäymiev “İnterfax“ agentlığına birgän äñgämäsendä Federatsiä Şurasınıñ älege ğämälen tänqitläwe turında xäbär ittelär. Töp argument itep, älege dä bayağı Rusiäneñ üz qanunnarı kiterelde. Yäğni, ğämäldäge qanunda Federatsiä Şurasınıñ federatsiä subyektınıñ zakon çığaru orğanınıñ, bu oçraqta Tatarstan Däwlät Şurasınıñ qararın raslaw norması yuq. Şuña kürä 11 aprel'dän, yäğni Räfğat Altınbayıvnı wäqälätlärennän möddätennän alda wazifalarınnan buşatıluı turında prezident ukazı Däwlät Şurasında raslanğan könnän, Räfğat Altınbaev inde Federatsiä Şurası äğzası tügel. Federatsiä Şurasınıñ kiçke utırışında senatorlarğa şuşı fikerne Däwlät Şurasınıñ wäqälätle wäkile İrina Laroçkina ireşterde. Ul “Federatsiä subyektınıñ qararın raslamaw wäzğıäte bezne xoquqi buşlıqqa kertä”, dide. Älege mäs’äläne yañadan tawışqa quyğaç, Tatarstan Däwlät Şurasınıñ 11 aprel'dä qabul itkän qararı belän kileşmäwçe ber genä senator qalğanı mäğlüm buldı. Älege waqiğağa pänceşämbe könne mäğlümat çaralarında Federatsiä Şurası ğadi ber raslaw protsedurasınnan “qanun ul tärtä kebek - qaya borsañ, şunda kilep çığa” dip fars yasarğa uyladılar, digän kommentariy birdelär. Menä şulay, Tatarstan parlamentariyları Mäskäwnekelärne waqıt-waqıt üzläre ük çığarğan qanunnarnı tanırğa, alar belän isäpläşergä öndäp, islärenä töşerep toralar äle.

XS
SM
MD
LG