Accessibility links

сишәмбе, 6 декабрь 2016, Казан вакыты 13:21

Pänceşämbe könne Qazanda Tuğan tel bäyräme uzdırıldı


Razil äfände belän däwlät telläre yazmışı turındağı äñgämäne barıbız bergä kümäkläp “Tuğan tel”ne cırlağaç qordıq. Bu cırlaw - pänceşämbe könne K.Tinçurin isemendäge teatr binasında uzğan Tuğan tel bäyrämeneñ kul'minatsiäse buldı. Mäğlüm ki, mäğärif ministrlığı “Tatarstan xalıqları tellären saqlaw, öyränü häm üsterü” däwlät programmasın tormışqa aşıru maqsatında aprel' ayın Tuğan tellär aylığı dip iğlan itkän ide. 24 aprel'dä ütkärelgän Tuğan tel bäyräme – şunıñ qısalarında. Bäyrämdä mäğärif ministrı, xökümät citäkçeläre, xalıq deputatları, cämäğät eşlekleläre qatnaştı. Bäyrämdä älege qanunnı tormışqa aşıruğa, milli mäğärifne üsterügä ähämiätle öleş kertkän ğalimnärgä, yazuçılarğa, uqıtuçılarğa büläklär tapşırıldı. Läkin aldan äytelgänçä, 2002 yıl öçen Qayum Nasıyri isemendäge büläk lawreatları arasında Bäläbäy gimnaziäse dä atalaçaq digän xäbär raslanmadı.

XS
SM
MD
LG