Accessibility links

шимбә, 3 декабрь 2016, Казан вакыты 09:49

Peking söyläşüläre qapma-qarşılıqlı işarälär belän tämamlandı


Pekingdä barğan AQŞ belän Tönyaq Korea arasındağı söyläşülär tämamlandı. Qıtay , taraflar söyläşülärne yaxşı başlanğıç dip bäyäläde digän belderü yasadı. Pxenyagnıñ atom qorallarına iä buluın iqrar itüe Waşington öçen sürpiz bulmasa da , Ğıraqtağı xärbi ciñüdän soñ şunduq küpläp üterü qoralları turındağı xabär añı uñaysız pozitsiädä qaldıra. Bushnıñ totrıqsız däwlät dip atağan Tönyaq Korea atom qoralına iä elita däwlätlär safınamı kertäläçäk,ällä aña qarşı xärbi aksiäme oyıştırılaçaq?

Comğada Qıtay tışqı eşlär ministırlığı süzçese Liu Jianchao(audio) Pxenyangnıñ atom qoralları krizisın çişü turındağı söyläşülärne AQŞ ta , Tönyaq Korea da Qıtay da yaxşı başlanğıç dip bäyäläde . Söyläşülär yabıq işeklär artında bardı . Bilgele bulğança ütkän yılnıñ yktäber ayında Däwlät sekretarınıñ yardämçese James Kelly Pxenyangda bula. Ul küzläü idarälärenä tayanıp Tönyaq Koreanıñ 1994nçe yılğı kileşüne bozıp yäşren räweştä uran bayıtu programması alıp baruın belderä. Pxenyang andıy programması bulıun iqrar itä , dikäber ayında ul reaktorın qullanışqa kertä häm BMOsı qoral tikşerüçelären ildän quup çığara , ğıynuarda ul atom qoralların cäyeldermäü kileşüennän çığa. Ber atna elek Pxenyang 8meñnnän artıq qullanılğan yagulıq çıbığın uñışlı räweştä eşkärtüen belderde. Eşkärtü protsesı näticäsendä 5-6 atom bombası yasarlıq pluton bulaçaq . Pxenyang AQŞ belän turıdan turıda söyläşülär alıp barıp, anıñ belän berberenä höcüm itmäü turında kileşü taläp itä. , AQŞnıñ Ğıraqta tizlektä xärbi ciñügä ireşüe, bälkim dä Waşingtonnı Tönyaq Koreağa qarşı köç qullanırğa qıyulandırır dip qurqa. Nigezdä däwlät sekretarı Powellnıñ atnakiçtäge çığışı Qıtaynıñ comğadağı uñay belderüenä külägä töşerde Powell( audio) Tönyaq Korea delegatsiäse Peking söyläşülären taşlap kitmäskä tieş, alar yasağan kisken belderü, kisätüläre yäki aksiläre belän AQŞ anıñ partnörları häm töbäktäge illärne qurqıttıq dip uylıy kürmäsennär , alar şulay qılanıp kübräk iqtibar cälep itär yäki taşlamalar yasatırbız dip uylamasınnar. Asılda bu söyläşülärneñ näticäse turında äytep bulmıy .Ğädättägeçä Pxenyang qapma qarşılıqlı belderülär yasıy. Anıñ söyläşülär turında yasağan belderüendä bolay dielgän: Waşington Tönyaq Koreanıñ atom programmasın yuq itü häm bu protsessnı tikşerü turında söyläşergä teläsä , başta doşmança mäqsatlarınnan wazkiçergä tieş . Ul söyläşülärdä qıyu täqdimnär yasağanın äytsä dä, närsä ikäne bilgesez. Däwlät sekretarı Powell da kisken teldä söyläde,ämma Waşington Pxenyang belän mäsäläne tınıç yullar belän xäl qılırğa teli dide. Germaniedä Trier Universitetında könçığış Azie tikşerülärendä analitik Sebastian Harnisch fikerençä , Pxenyang söyläşülärdä ike mäqsat quydı , berse AQŞ xärbi höcüm oyıştırsa bu intixar bulaçaq dip añlatu , ikençese isä regionadağı cämäğätçelek fikeren üz yağına cälep itü öçen üzen yaxşı, matur itep kürsätü , nindider bilgesez qıyu täqdim dä şul turıdadır Harnisch moñı bolay dip añlata ( audio) älege mizgeldä ‘qıyu täqdimneñ närsä ikänlegen äytü qıyın, bälkim dä alar töbäktäge illärne häm dönya cämäğätçelegen bez bu söyläşülärne däwam itergä teliebz, ä AQŞ telämi , ikençe yaqtan isä üze söyläşülärne özü yağın qarıy. Quşma Ştatları da söyläşülärdä Pxenyangga atom programmasına qatı qarauın kürsätergä omtıldı , ber yk waqıtta ul ällä ni teläktäşlek kürsätmägän berektäşlärenä küräsez Pxenyang belän eş itü bik qıyın , aña kübräk sanksilär quyarğa, izolatsiädä qaldırırğa kiräk dip añlarğa birde digän qaraş beyan itä Harnisch . Pxanyangnıñ kürşeläre nindi pozitsiä alaçaq? Tönyaq Korea atom programmasına däwam itsä, bälkim dä AQŞ anı tämam izolatsiädä qaldırırğa telär, Ämma bu adımnı atlar öçen Yaponie, Qıtay , Könyaq Korea häm Russiäneñ xezmätteşlege zarur. Mäskäü häm Pekingneñ sonğı işaräläre, alarnıñ inde Pxenyang belän sabır qazannarınıñ taşırğa citkänen kürsätä. Peking Tönyaq koreanıñ atom qoralları säbäple Yaponie , Könyaq Korea häm Taiwannıñ qoral arsenallären kiñäytü , yañartuın berdä kürergä telämäs, şunlıqtan anıñ söyläşülärdä yort xucası ğına tügel ä möhimräk rol uynauın da kötep bulır şikelle

Färidä Xämit. Praga
XS
SM
MD
LG