Accessibility links

дүшәмбе, 5 декабрь 2016, Казан вакыты 21:43

SARS: Malaysia başqalasında Aziä däwlätläre häm Dönya Sälämätlek Oyışması wäkilläre cıyıldı


SARS çirennän Qıtayda bügen tağın 5 keşe ülde. Hong Kongta tağın 6 keşe ülgän, 22 yaña keşe virusnı yoqtırğan. Filipinda bügen üpkä yalqınsınuınıñ bu yaña törennän berençe ike keşe ülde. Bu xaqta Filippin däwläteneñ Sälämätlek Saqlaw ministrı Manuel Dayrit belderde. “Bügengä, Filippinda SARS virusın yoqtıruçılar sanı-4 keşe. 3 keşe awırunı çittä yoqtırıp qaytqan, berse inde monda awırıp kitkän. 4 keşeneñ ikese-ülde”, dide Filippin Sälämätlek Saqlaw ministrı Manuel Dayrit. Malaysiä başqalası Kuala Lumpur’da Könçığış Aziä däwlätläreneñ sälämätlek saqlaw räsmiläre häm Dönya Sälämätlek Oyışması wäkilläre –SARS çireneñ taraluın tuqtatu planı turında söyläşer öçen cıyıldı. İrtägä ASEAN oyışmasınıñ sälämätlek saqlaw ministrları Kuala Lumpurda urtaq deklaratsiä qabul itäçäk. Malaysiä, SARS virusınıñ taralmawın kontrol itäçäk ASEAN oyışması qısalarında maxsus üzäk tözergä täqdim itte.

XS
SM
MD
LG