Accessibility links

сишәмбе, 6 декабрь 2016, Казан вакыты 15:21

Yaña İminlek Oyışması tözelde


Rusiä parlamentı, kürşe däwlätlär belän iminlek mäs’äläsendä xezmättäşlekne arttıru turındağı kileşüne rasladı. Berdäm İminlek Kileşüe Oyışması üz eçenä Rusiä, Ärmänstan, Belarus, Qazaxstan, Qırğızstan häm Taciqstan kebek illärne ala. Tawış birgänçe Rusiä tışqı eşlär ministrı urınbasarı Vyaçeslav Trubnikov deputatlarğa –Oyışma şulay uq töbäklärdäge ğaskärlär häm milli cihazlar öçen cawaplı bulaçaq, dip belderde. Parlament Oyışmanı häm anıñ xartiäsen ber tawıştan xupladı. Rusiädä säfärdä bulğan Fransiäneñ Saqlanu Ministrı Michele Alliot-Marie ike il arasındağı xezmättäşlekneñ xäzerge däräcäsen xupladı, häm dönya iminlegenä yanağan yaña qurqınıçlar-xezmättäşlekne tağın da arttıru kiräklegen kürsätä, dip belderde. Michele Alliot-Marie bügen Rusiä saqlanu ministrı Sergey İvanov häm tışqı säyäsät başlığı İgor İvanov belän oçraşa. Qıtay belän Germaniä kebek ük, Fransiä häm Rusiä Amerika Quşma Ştatları citäkçelegendäge Ğiraq suğışına qarşı buldı. Xäzer dä Fransiä häm Rusiä-Ğiraqnı tözekländerü eşen Berläşkän Millätlär Oyışması citäklärgä tieş, dip sanıy.

XS
SM
MD
LG