Accessibility links

җомга, 9 декабрь 2016, Казан вакыты 10:58

Bezne yaqtı kiläçäk kötäme?


Pänceşämbedä “Qazan” milli-mädäni üzägendä başqalabıznıñ xalıq deputatları çirattağı sessiälärenä cıyılıp, kümäkläşep matur xıyallarğa bireldelär. Oşbu çarada süz Qazan şähäreneñ 2015 yılğa qädär strategik üseşe turında bardı. Yaqtı kiläçäktä qazanlılar xäzerge 68 yıl urınına 70 yıl da 4 ay yäşäyäçäklär, keremnär dä urtaça 23 meñ sumnı täşkil itäçäk. Keşe başına 23 kvadrat metrdan da kim bulmağan fatir, telefon. Bolarnı işetep, ireksezdän yoqlap kitep 12 yıldan soñ uyanası kilä başladı. Şähär gazetaları sessiädä qabul itelgän qararnı tarixi dip bäyälädelär. Gärçä Tatarstan xalıq deputatı Aleksandr Ştanin bu ballı söyläşügä ber qaşıq deget salırğa niätlänep, strategik üseş planınıñ şähär qaznasına küpmegä töşüen töpçensä dä, anı qabul itmäskä öndäsä dä. Xıyallanu, älbättä, käyefne kütäräder. Läkin älegä Qazanda yäşäwçe ğadi xalıq fatirğa kitergän şaqqatırğıç kvitansiälär totıp, yort idärälärendä, prokuraturalarda, mäxkämälärdä däğwälaşıp yöri. Ber–işe mäğlümatlarğa qarağanda, fatirğa tülämäwçelär sanı uzğan yılda 8% bulsa, bıyıl 25% citkän. Citmäsä, Rusiä parlamentınıñ Yuğarı palatası äle genä tülämäwçelärne qorı qayğığa batıra torğan yaña qanun qabul itte. Anıñ nigezendä fatirğa altı aydan artıq tülämäwçelärne mäxkämä qararı belän yäşäw urınınnan qolaq qaqtırırğa bula. Menä nindi yaqtı kiläçäk kötä yaqın arada qayberäwlärne.

XS
SM
MD
LG