Accessibility links

дүшәмбе, 5 декабрь 2016, Казан вакыты 07:36

Aq Bars xokkey komandasında “yomşaq fetnä”


“Aq bars” xokkey komandasındağı soñğı üzgäreşlär küplärneñ iğtibarın cälep itte. Komandanıñ baş trenerı Vladimir Plyuşçevnıñ kinät kenä urınınnan azat itelüen qayber jurnalistlar “yomşaq fetnä” dip atadılar. Quldan bıyılğı çempionat medal''lären ıçqındırğaç, xokkey eşlärendä tärtip saluğa prezident Mintimer Şäymiev alındı. Näq anıñ täqdime belän Plyuşçev urınına Vladimir Wuyteknı bilgelädelär. “Aq bars” klubınıñ prezidentı Färit Möxämmätşin süzlärenä qarağanda, bez bu eşne ozaqqa suzğan bulsaq, Wuytek Rusiädän tuğan yağı Çexiägä qaytıp kitär ide. Ä anıñ qul astında Rusiäneñ berniçä xokkey komandası çempion bula aldılar. Ni öçen soñ äle bezneñ iñ däräcäle citäkçelärebez qırıq eşlären qırıq yaqqa taşlap, tamaq tuq bulğan çaqta iskä töşä torğan uyın problemaları belän şöğellänä? Döresen äytergä kiräk: xokkey belän respublikanıñ prestijı bäylängän, aña baytaq aqça sarıf itelä - bu üzenä ber dönya. Rusiä külämendä dä, Yevropada da super-liga komandaları artında ğayät zur köçlär tora. Küräseñ, bezgä kapitalizm belän bergä professional'' sportnıñ yazılmağan qatlawlı qağidäläre dä kerä. Şuña kürä qayçandır Boz sarayı direktorı xäl itä torğan mäsälälärne, bügen prezidentlar, spikerlar üz östenä alırğa mäcbür bula.

Damir Ğısmetdin, Qazan

XS
SM
MD
LG