Accessibility links

сишәмбе, 6 декабрь 2016, Казан вакыты 03:54

Bagdadta bulğan yaña şartlawlar ğadi xalıq arasında da yuğaltularğa kiterde


Bagdad. Ğiraq başqalasınıñ könyağındağı xärbi kiräk-yaraqlar saqlağıçında bulğan şartlawnıñ, tirä-yündä tağın berniçä şartlawğa kiterüwe, ğadi xalıq arasında da yuğaltularğa säbäp buldı. Törle çığanaqlarğa qarağanda süz 5-tän alıp 14-kä qädär keşeneñ ülüwe turında bara. Quşma Ştatlarnıñ üzäk xärbi idaräse, kimendä 6 keşe hälak buldı häm dürtese yaralandı dip belderde. Başqalanıñ Zaafaraniä bistäsendä amerikan xärbiläre Ğiraq qorallı köçlärennän alınğan qorallarnı saqlıy ide, Quşma Ştatlarnıñ xärbi wäkile süzlärenä qarağanda, bilgesez keşelär bügen şul urınnı utqa totqan häm bu zur şartlawlarğa kitergän. Şunıñ näticälärennän arınu eşlären başlaw öçen kilgän amerikan köçlären Bagdad xalqı taşlar atıp qarşılağan. Andağı xäbärçebez, şartlawlar Ğiraq xalqı arasındağı Amerikağa qarşı käyeflärne nıq köçäytep cibärde dip belderä. Amerikan yağı, şartlaw näticäsendä Quşma Ştatlarnıñ da ber ğäskärie yaralandı dip xäbär itte.

XS
SM
MD
LG