Almatı. Qazağstan xökümäte bügen, Ğiraqnı tözekländerü eşlärenä yardäm itü yözennän Bagdadqa ber törkem xärbi tabip cibärergä teläwen xäbär itte. İlneñ tışqı eşlär ministrlığı bäyän itkän belderüdä, Ğiraqnı suğıştan soñğı tözekländerü eşlärendä Qazağstan Quşma Ştatlar belän xezmättäşlek itärgä äzer tora, ul bu ölkädä çittän genä qarap torırğa cıyınmıy dielä. Xärbi tabiblarnı cibärü turındağı soñğı qaranı Qazağstannıñ parlamentı qabul itärgä tieş bulaçaq.
