Accessibility links

якшәмбе, 11 декабрь 2016, Казан вакыты 03:28

Könyaq Koreä kommunistik tönyaqqa basım yasap anıñ atom qoralları programmasınnna waz kiçüwenä ireşergä teli


Seul. İrtägä Tönyaq Koreä başqalası Pxenyanda, Könyaq häm Tönyaqnıñ ministrlar däräcäsendä 3 könlek söyläşüläre başlana, häm Seul xökümäte şular barışında Tönyaqqa basım yasap, anıñ üzendäge atom qoralları programmasınnan waz kiçüwenä ireşergä teli. Bu xaqta, Könyaq Koreäneñ Däwlät İminlege Şurası, bügen maxsus utırış ütkärgännän soñ bäyän itkän belderüwendä xäbär itä. Anda, Seul Pxenyannı nıq itep üz mönäsäbäten üzgärtügä öndiäçäk dielä. Bu atnada Pekindä Tönyaq Koreäneñ Quşma Ştatlar belän dä söyläşüläre uzğan ide. Amerikan wäkilläre, oçraşu barışında Pxenyan üzendä atom qoralı buluwın häm 8 meñläp atom yağulığı çıbığın qorallarda qullanu däräcäsenä citkerü eşen alıp baruwın tanıdı dip belderde. Quşma Ştatlar şuşı krizisnı älegä diplomatik yullar yardämendä çişärgä tırışuwın qabatladı.

XS
SM
MD
LG