Düşänbe. Rusiä prezidentı Vladimir Putin öç könlek säfär belän bügen Taciqstanğa kilde, ul biredä Üzäk Aziä illäreneñ däwlät başlıqları belän dä oşraşaçaq. Taciq prezidentı Emomali Raxmonov häm qırğız prezidentı Äskär Aqaev belän Putin Rusiäneñ şuşı ike ildäge xärbi nığıtmaları mäs’äläsen tikşeräçäk, moñardan tış Raxmonovnıñ Rusiä citäkçese belän ike il arasındağı xärbi wä iqtisadi xezmättäşlekne arttıru yulların da qarayaçağı kötelä. Düşämbedä isä Vladimir Putin, Bäysez däwlätlär berdämlegeneñ Kümäk iminlek Şurasına kergän Ärmänstan, Belarus, Qazağstan, Qırğızstan häm Taciqstan prezidentları belän urtaq oçraşuda qatnaşaçaq.
