Accessibility links

чәршәмбе, 7 декабрь 2016, Казан вакыты 19:28

Ğıraqta distälägän yaña säyäsi partiälär xakimiät öçen yarışa


3distä yıldan artıq ber partiä tarafınnan idarä itelgän Ğıraqta xäzer uñnarça säyäsi partiä häm törkem xakimiät öçen yarışa. Elek Britaniä,İran häm AQŞta urnaşqan opozitsiä partiäläre xäzer başkvartiraların Bagdadqa küçergändä Ğıraqnıñ üzendä yaña säyäsi törkemnär barlıqqa kilä.

Saddam Xösäinneñ xakimiättän çitlätelüenä 3 atna ğına waqıt ütkän bulsa da , Ğıraqta 40tan artıq säyäsi partiä oyışqan. Bagdadqa küçep kilüçelär arasında in zurısı Ğıraq Milli Kongressı isemle partiä eksildäge opozitsiä törkemnärneñ eçenä alğan bu partiäne oyıştıruçılardan berse Axmäd Çäläbi.Milli Kongess eleke rejimnıñ yuğarı citäkçelege yäşägän Mansur bistäsendä Ğıraq au klubı binasına kerep urnaştı.Üzlären irekle Ğıraq köçläre dip atağan Kongressnıñ yözlärçe keşese Bagdad tiräsendäge kontrol punktlarında tora. Axmäd Çäläbinıñ ölkän kiñäşçese, törkemneñ süzçese Pakstanda tuğan Zaab Sethna kongressnıñ 2meñnän artıq xärbiä häm meñlägän yaña äğzası bar dip äytkän.Zaab süzlärençä(audio) Ğıraq Milli Kongresınıñ äğzası bulu öçen ike şart quyıla. Saddam Xösäin rejimına qarşı bulu häm demokratiäne yaqlau. Eleke auçılar klubında bu könnärdä bik qızu aktivlıq bara dip belderä radiobız xäberçese. Kongress äğzaları yä qorallı törkemgä yä dä xäräkätkä quşılırğa teläwçelärdän ängämä ala… bina nıq saqlana, mundir yäki sivil kiyemle keşelär binağa kerüçelärne baştan ayaq tikşerä . Axmäd Çäläbinıñ portretları binada elengän dä inde . Mili Kongressqa quşılırğa teläwçelär Çäläbi AQŞ tarafınnan yaqlana , kongressqa äğza bulsaq yaxşı eş urına tabırbız dip uylıy. Ämma potensial äğzalarnıñ qayberläre xäräkät häm anıñ mäqsatlarına şiklänep qarıy. Kongressta 3könnän birle üzenä eş tabırğa tırışqan fotografçı Ali Xaşim , kongress zur gäwdäle ir atnı ğına eşkä ala, alar keşe namıslımı qaraqmı ber dä qaramıy dip söyli .Ali süzlärençä (audio) Min bu partiägä eşsorap kile başlağannan birle, minemçä alar yalğan wäğdälär birä. Ğıraq Milli Kongressı Bagdadta 5 ofis açqan , alarnıñ barısı da bik matur , bay binalarda urnaşqan. Kongressnıñ ber ofisınıñ kürşesendä tanılğan şiğı törkeme ‘Nacafnıñ xörmätle ğalimnär oyışması urnaşqan. Kongress bülmäläre eş ezläüçelär belän tulğan bulsa kürşe binada tınlıq xökem sörä.mebelsez , tuzanğa batqan binada ber niçä ir at utıra . Alar bez Bagdadta bu häm tağı başqa villanı AQŞ xärbiläre belän koordinatsiägä kermi okupatsielädek dip beldergän. AQŞ xärbiläre yaña partiälärgä ofis, urınnar birä. Nacaf ğalimnäreneñ Bagdad ofısı başlağı şeyx Abd Jabbur Manhell binanıñ berdän ber mebele buş östel yanında utıra , divarlarğa İmam Ali, İmam Xösäin häm başqa dini citäkçelärneñ räsemnäre elengän. Şeyx min amerikannarğa cihad iğlan itergä aşıqmim, AQŞ çinlap ta irekle vä demokratik Ğıraq telimi kötergä kiräk , ğıraqlılar üz xökümätlären üzläre saylarğa tieş. min Ğıraq xalqınıñ 70%tı islam däwläte teli dip uylıym dip äytkän bezneñ xabärçegä. Şeyx Jabbur şulay dip söylägändä distälägän yäş keşe ofisqa kilep ikençe könne Bagdad üzägendä oyıştırılaçaq cıyın turında söyläşä başlağan. Şeyx demonstratsie minem äytkännärne raslıy dip beldergän. Ämma eleke yäşren politsiäneñ yarım cimerek binasında urnaşqan İslamçı Ğıraq partiäseneñ aldınğı äzğası Dr Haşim Ali Hassani şeyxnıñ äytkännären kire qağıp,ğıraqlılar, ireklek häm demokratiägä susağan digän. Ali Hassani (audio) İslam däwläte närsä eşliäçäk? Bez qayber mäqsatlarıbznı ğämälgä quyarğa telibez, alarnı teläsä kem ğämälgä quysın, möhim tügel. Bez ireklek, Ğıraqnıñ mullıqta yäşäwen , ğıraq baylıqlarınıñ xalıq arasında ğädel bülünüen , berläşkän Ğıraq telibez! Kördlärneñ ike zur säyäsi partiäseneñ berse Kördistan Patriotik Berlege ofisın 8 peşmerga saqlap tora. Alar Baath partiäseneñ talanğan binasında urnaşqan.Partiäneñ qayber äğzaları yäşelgä aq buya belän Kördistan patriotik berlege berdäm, demokratik Ğıraq öçen digän afişa äzerli ide. Partiäneñ Bagdad ofisı citäkçese Adel Murad partiä Ğıraqnıñ kiläçäge , kördlär yäşägän tönyaqqa aftonomiä birüne küzdä totqan idarä strukturasına optimistik qarıy dip äytep (audio) Bez körd törkemnäre xäzer köçle, bez 12 yıl elek irekländereldek häm oyıştıq. Bez Bagdadqa xalıqqa yaxşı eşlär eşlärgä ğäräb häm şiğılar belän ilne tözekländerergä kildek. Ğıraqtağı törkem ,säyäsi partiälär törle mänfäğät, qaraşlarnı çağıldıra.Alar töp mäqsat Ğıraqnı tözekländerü dip belderä.Ğıraq xalqı yaña xökümätne saylarğa tieş dip äytsälärdä, sonğı süzne ğıraqlılar tügel ä Quşma Ştatları äyter digän tınıçsızlıq , qurqunı alarnıñ hämmäse dä urtaqlaşa

Färidä Xämit, Praga
XS
SM
MD
LG