Accessibility links

сишәмбе, 6 декабрь 2016, Казан вакыты 17:08

Çallı yegete Ruzil Ğatinnıñ ğalämdä üz yoldızı bulaçaq


Yäkşämbe könne, Qazanda «Yoldızlıq-2003» balalar icatı festivaleneñ yomğaqlaw konsertı ütte. Piramida küñel açu üzägendä barğan älege çara «Yaña ğasır» televideniese aşa turı efirda tapşırıldı. Älege festival berençe tapqır 1992 yılda ütkärelgän. Soñğı ike yılda aña respublika statusı birelde häm ul çit töbäklärdän kilüçelär öçen açıq dip iğlan itelde. Bıyılğı festivaldä 12 meñ bala qatnaşırğa teläk beldergän, alarnıñ 1200-e finalğa çıqqan.

Bıyıl «Yoldızlıq» bäygesenä çittäge tatar balaları da kilde. Ästerxannan «Nur» studiäseneñ näni artistları häm Xantı-Mansi ölkäsennän 2 qız-bala da bäygedä köç sınaştı. Neftuganskiy şähärennän Räximova Gölşat cırçılar arasında xätta berençe urın da yawlıy aldı. Çit töbäklärdän, älege çarada, şulay uq Qabarda-Balqar respublikası häm Çiläbe ölkäse balaları da qatnaştı. Gran-pri bülägen 14 yäşlek Çallı yegete Ruzil Ğatin aldı. Ul Çallıda «Mizgel» cır teatrında şöğellänä ikän. Bäyegeneñ büläge dä bik qızıq. Cidegän yoldızlığınıñ ber yoldızına Ruzil Ğatin iseme bireläçäk. Ruzil Ğatinnı Prezident Mintimer Şäymiev üze säxnägä çığıp qotladı.

Şunısı qızıq, cırçı Alsunıñ prodyuserlar üzäge dä şuşı çaradan çittä qalmadı. Alsu Tatarstan balalarına sälämnären yullap, ciñüçelär öçen büläklären cibärde.

XS
SM
MD
LG