Accessibility links

җомга, 9 декабрь 2016, Казан вакыты 03:08

Arafat parlamentnı yaña xökümätne xuplarğa çaqırdı


Fälestin citäkçese Yasser Arafat bügen parlamentnı yaña bilgelängän premyer-ministr Mahmoud Abbasnı yaqlawda berdäm bulırğa çaqırdı. Fälestin xökümäte milli berdämlekne nığıtu häm töbäktä tınıçlıq häm iminlek urnaştıru öçen eşliäçäk, dide Arafat. Şulay uq parlament aldında çığış yasağan Abbas, yähüdlär fälestin cirlärennän kitmi torıp tınıçlıq bulmayaçaq, dip belderde. Oppozitsiä köçlärenä möräcäğät itep, Abbas, provokatsiäne tuqtatırğa çaqırdı. Yaña premyer-ministrı suğışçan törkemnärne qoralsızlandıru niäten belderep, iminlek saqlaw köçlärenä genä qoral belän yörergä röxsät bireläçäk dide. İsrael prezidentı Moshe Katsav, Abbasnıñ “yaxşı niätlärenä ışanuın” häm Fälestinnär terrorğa qarşı köräşä başlağaç alar belän xezmättäşlek iterg’ mömkin bulaçağın belderde. Hamas häm İslam Cihad oyışmaları Abbasnıñ “qoralsızladnıru” niätenä qarşı çığıp, yähüdlär Fälestin cirlärennän çığıp kitmi torıp qoral taşlamayaçaqların belderde. Könbatış Yarda häm Gaza sızığında bügen yaña bäreleşlär buldı. Betlehem yanında ike Al-Aqsa intixarçısı atıp üterelgän. Khan Yunis şähäre yanında İsrael boralaqlarınıñ ut açuı näticäsendä Fälestinne Azat itü xalıq frontı äğzase atıp üterelgän, tağın berniçäse yaralanğan. Fälestin ministrı Saeb Erekat böten bu köç qullanunı täñqitläp çıqtı. “Bügen irtän İsraelneñ Khan Yunista yasağan höcümen häm uzğan töndä Betlehemdä ike fälestin keşeseneñ üterelüen kisken täñqitlibez”, dide Erekat. Fälestin ministrı kiçekmästän tınıçlıq planın iğlan itergä çaqırdı. Bügen Polşa, İsrael häm tağın qayber başqa illärdä ikençe böten dönya suğışında yähüdlärgä qarşı bulğan genotsid qorbannarın iskä alu çaraları uzdı. Bıyılğı çaralar 6 million yähüdne iskä aludan tış Varşava gettosında bulğan baş kütärüneñ 60 yıllığana da bağışlana. Ul çaqta berniçä yöz yähüd totqını Nazilarğa qarşı qolar kütergän ide.

XS
SM
MD
LG