Accessibility links

чәршәмбе, 7 декабрь 2016, Казан вакыты 17:24

Tatarstan iqtisadı üseşennän kemgä fayda?


Torğınlıq yıllarında 1 May xezmät raportları äzerläw, qazanışlar, uñışlar turında notıq totular mäcburiät ide. Xäzer bu yuq. Şulayda, äle dä mondıy ğädätlärneñ tä'sire sizelä. Tatarstannıñ Däwlät statistika komitetı 2003 yılnıñ öç ayında Tatarstannıñ sotsial'-iqtisadıy üseşe näticälären iğlan itte. Älege mäğlümatlar tıynaq qına “ömetländerä torğan çirek” digän baş astında birelde. Çınnan da, ömet bar şikelle. Sänäğät 2002 yılnıñ berençe öç aylığı belän çağıştırğanda, 5% üseş birgän. Läkin respublika citäkçelegen bu qänäğätländermi. Küptän tügel respublikanıñ İminlek şurası utırışında Mintimer Şäymiev “sänäğät öç ayda üseş birsä dä, läkin monıñ effektı, faydası bulmadı”, digän fiker äytte. Näq menä faydadan büdjetqa keräse salımnar tüläwlär azayğan. Düşämbe könne bu wäzğıätne premyer-ministr Röstäm Miñnexanov salım cıyu öçen cawaplı oyışmalar wäkilläre belän analizladı. Premyer-ministr büdjetqa keremnär kimüneñ säbäben qayber “aqıllı baş” menedjerlarnıñ faydanı yäşerergä öyränülärendä kürä. Ul mondıy “aqıllı başlarnıñ” häm alarnıñ gönahlarına küz yomğan salım cıyuçı başlıqlarğa känäfilärennän qorı qaldıru belän yanadı.

XS
SM
MD
LG