Accessibility links

Кайнар хәбәр

Däwlät Şurasınıñ kiläse utırışında latin mäsäläse kütäreläçäk


Tatarstan Däwlät Şurası da may ayına plannar qora. Däwlät Şurasınıñ 16nçı plenar sessiäse 29 mayğa bilgelände. Kön tärtibendä älegä 18 mäs'älä.

Wäqälätle wäkilne kire çaqırtıp alu turındağı kebek çeterekle mäs'älälär yuq. Şulay da, milli mäs'älälär belän qızıqsınuçılarnı ber mäs'älä cälep itte inde. Ul – Däwlät Şurasınıñ Rusiä konstitutsion mäxkämäsenä “Rusiä xalıqları telläre turında”ğı qanunınıñ 3nçe maddäseneñ 6nçı punktınıñ qanunlığı turında möräcäğäte. Älege qanunnıñ 3nçe maddäseneñ 6nçı punktında “däwlät tele häm respublikalar däwlät telläreneñ imlaları kirillitsa nigezendä genä bula ala”, dielgän. Yäğni, respublikalarğa başqa imlalarğa, äytik Tatarstanğa latinğa küçü tıyıla.
XS
SM
MD
LG