Accessibility links

Кайнар хәбәр

AQŞ Saqlanu ministrı Donald Rumsfeld Bağdadta säfärdä


Amerika Quşma Ştatları saqlanu ministrı Donald Rumsfeld, Amerikan ğaskärläre, Ğiraqta demokratik xökümät tözelüenä ışanıç bulğançığa qadär ildä qalaçaq, dip belderde. Bügen Rumsfeld Bağdadqa kilep elek Säddäm Hösäinneñ sarayı bulğan Quşma Ştatlar ğaskärläreneñ baş fatirında çığış yasadı. Soñınnan Amerikan ğaskärläre aldında notıq totıp, Rumsfeld, bez totrıqlılıq bulsın öçen şartlar tudırırğa tieş, dip belderde: “Totrıqlılıq häm iminlek buldırır öçen bez şartlar tudırırğa tieş, soñınnan Ğiraqlılar üzläre küçeş çorı xakimiäte häm xökümät tözesen. Annarı da säyäsi bäysezlek, şäxsi irekleklär häm qanun xakimiäte nigezendä yaña Ğiraq xökümäte tözelsen” dide Rumsfeld Başqalağa kilgänçe Amerikan saqlanu ministrı könyaqtağı Basra şähärendä tuqtaldı. Rumsfeld-suğış tämamlanğannan birle älegä qadär Ğiraqqa kilgän iñ zur däräcädäge amerikan wäkile buldı. Ğiraqtağı Falluca şähäre möselmannarı ruxanie Şäix Wağa Ali al-Mohammädi, Amerikan ğaskärlärenä, şähärneñ üzägennän çığıp kitüne sorap möräcäğät itte. Bügen irtän amerikan ğaskärläre uramda qarşılıq belderü öçen cıyıluçılarğa ut açıp kimendä 2 keşene üterde, berniçäsen yaraladı. Amerikan mayorı Michael Marti süzlärenä qarağanda qarşılıq belderüçelär berençe bulıp ata başlağan.
XS
SM
MD
LG