Accessibility links

шимбә, 10 декабрь 2016, Казан вакыты 13:45

Fälestin premyer-ministrı Mähmud Abbas Yaqın Könçığışta tınıçlıq urnaştıru planı belän tanışa


Yaña Fälestin premyer-ministrı Mahmud Abbas bügen üz eşenä kereşte. Bu wazifa tarixta berençe tapqır, Fälestin xakimiätendä reforlamar uzdıru kiräklege tuğaç buldırıldı. Monnan soñ İsrael belän Fälestin arasındağı tınıçlıq planın ğamälgä aşıru mömkin bulaçaq. Planda-köç qullanunı tuqtatu, fälestin suğışçılarınıñ oyışmaların taratu, yähüdlärneñ fälestin şähärlärennän kitüe, häm 2001nçe yıldan soñ fälestin cirlärendä tözelgän yähüd awıllarınıñ yuq itelüe turında süz bara. Fälestin däwläte 3 yıl eçendä tözelergä tieş bulaçaq. Yaqın Könçığışta tınıçlıq urnaştıru eşenä qatnaşqan barlıq däwlätlär häm oyışmalar Abbasnı yaña wazifada sälämläde. Yevropa Komissiäseneñ matbuğat wäkile Emma Udwin, Yevropa Berlege Abbas belän xezmättäşlek itergä niätli, yaña premyer-ministrnıñ terrorğa qarşı köräşäçägenä ömetlänä, dide. “Fälestin xakimiätenä, tınıçlıq urnaştırır dip xisap totabız. Kiçä Tel Avivta bulğan şartlaw kebek faciğale terror ğamälläre häm köç qullanuğa qarşı köräşer dip lmetlänäbez. Extremizmnıñ säyäsi progressqa qomaçawlawın buldırırğa tieş tügel bez”, dide Yevropa Komissiäse wäkile. Uzğan töndä Tel Avivta tönge klubta Fälestin intixar terrorçısı üz üzen şartlattı, 3 İsrael keşese häläk buldı, 55 keşe yaralanğan dip xäbär itelä. Mahmud Abbas, häm Amerika Quşma Ştatları bu höcümne kisken täñqitläde. Reuters xäbärlär agentlığı, Fälestinnärneñ Hämäs oyışması “tınıçlıq planın inqar itep, İsraelgä qarşı köräşne däwam itäçägen belderde” dip xäbär itte.

XS
SM
MD
LG