Accessibility links

якшәмбе, 4 декабрь 2016, Казан вакыты 21:35

Tatar qaraşı häm tatarğa qaraş


Milli ruxi üseşkä uñay qaraş tärbiäläw ciñel tügel. “Вечерняя Казань” gazetasınıñ 29 april sanında İnna Serovanıñ tatar ensiklopediäsen ni öçender xurlap yazğan mäqäläse basılğan. Avtor ensiklopediäneñ eçtälegen tänqitlämi, ä 7 meñ danä süzlekneñ xökümät tarafınnan satıp alınıp, mäktäplärgä, kitapxanälärgä birelüenä riza tügel. Yänäse, suverenitet uynap, qimmätle ütmäs kitaplar çığarıp, aqça äräm itälär. Bu gazetanıñ tatar keşese qul astında, xätta anıñ milke buluı berkemne dä ğäcäpländermi. Üz xalqınıñ az ğına üseşen küpsengän millättäşlärebez adım sayın oçrıy. Ämma, mondıy xällärgä reaksiä kürsätü, cawap birü Tatar ensiklopediäseneñ bik kiräkle äsbap ikänlegen açıp salu turında berkem dä uylamıy. Qayberäwlär zur awırlıqlar belän Tatarstan gerbı töşkän häm tatarça da isemnär yazılğan vkladışlı pasportnı almasqa öndäp, törle qotqılar tarata. Monısına da cawap birüçe yuq. Şuña kürä bäxäs tä, tartqalaş ta yuq. Ämma tatarnıñ yäşäyeşenä uñay mönäsäbät tärbiäläw turında qayğırtuçı da kürenmi äle.

XS
SM
MD
LG