Accessibility links

сишәмбе, 6 декабрь 2016, Казан вакыты 13:16

1 May bäyrämenä hönärilär berlege häm “Единая Россия” bergä çıqtı...


Bıyıl 1 May bäyrämenä Tatarstan hönärilär berlege, “Единая Россия“ firqäseneñ respublika regional' bülege belän sovet çorındağıça berdäm saflarda çıqtı. İnde söylägänebezçä, hönärilär berlege 1 May çaraların tıynaq qına yöreşlär, küñel açu tamaşaları dip iğlan itsä, “Единая Россия“ bülege citäkçese Yuri Näcmiev bu çara turında maxsus belderü yasadı häm anı sovet çorındağıça qupşılap “единым фронтом”, yäğni berdäm front belän demonstratsiä dip atadı. Ni öçen? “Единая Россия“neñ citäkçelege fikerençä, perestroyka çorında ildä sotsialistik formatsiädän cämğiät tözeleşeneñ başqa räweşlärenä kisken borılış bulğan. İğtibar itegez, başqa räweşlärenä genä. Kapitalizmmı, feodalizmmı - konkret äytelmi. Kisken borılış näticäsendä grajdannarnıñ tulı ber buını tärbiälängän traditsiälär yuğalğan. Şuña inde küräsen, sovet çorı tärbiäse alğan buın traditsiälärençä, İrek mäydanında uq hönärilär berlege kolonnaları “Единая Россия“ kolonnaları belän bergä berdäm front belän Üzäk yal parkına mendelär.

Üzäk yal parkı qarşında uzğan mitingnı da hönärilär berlege häm “Единая Россия“ bülege citäkçeläre bergä alıp bardılar. Häm şulay uq ber awızdan Rusiä häm Tatarstan xökümätläreneñ tetmäsen tettelär. Rusiä xökümäte xezmät keşesen kütärä almaslıq salımnar belän bua, layıqlı yäşäw şartların tä'min itmi. Tatarstan xökümäte dä xezmät xaqların waqıtında tülämi. ЖКХ – toraq-kommunal' xucalıq reforması dip xaqsız bäyälär kütärä häm “трудящиеся”lärne talıy.

XS
SM
MD
LG