Accessibility links

Кайнар хәбәр

Tiranada AQŞ-Adriatik Kileşüenä qul quyıldı


Amerika Quşma Ştatları Däwlät Sekretare Colin Powell 3 Balkan däwläte-Albaniä, Xorvatiä häm Makedoniä belän Amerikan-Adriatik Xartiäsenä qul quyır öçen Tiranağa kilde. Kileşüdä Balkan däwlätläreneñ NATO äğzaları bulu öçen nilär eşlärgä kiräklege turında süz bara. Xärbi köçlärne NATO standartlarına citkerü, demokratiäne üsterü, räşwätçelek häm cinäyätçelekkä qarşı köräşne arttıru-NATOğa kerü öçen töp şartlar. Powell, älege kileşüneñ 3 däwlätne NATO häm Yevropa Berlegenä kerügä taba alıp baruına ömetlänüen äytte: “Adriatik xartiäse, 3 däwlät häm Amerika Quşma Ştatları xezmättäşlege näticäsendä älege illärgä NATO häm Yevropa Berlegenä qabul itelüenä yardäm itäçäk”, dide Powell. Däwlät Sekretare Albaniägä terrorğa qarşı köräştä xezmättäşlege häm Ğiraq suğışın yaqlawı öçen ayırım räxmäten belderde. Matbuğat oçraşuında Albaniä premyer-ministrı Fatos Nano, xökümät ildä reformalarnı däwam itäçäk, dip belderde. Albaniä başqlasınna säfären tämamlağaç Powell Süriägä barıp prezident Başar äl-Assad belän oçraşaçaq.
XS
SM
MD
LG