Accessibility links

Кайнар хәбәр

Qazan Ciñü bäyrämenä äzerlänä


May ayındağı bäyrämnär seriäsen yaqın arada 9 May, Ciñü bäyräme däwam itäçäk. Qazanda yäşäwçe 11 meñ suğış veteranı öçen bu kön aldınnan rayon häm şähär xakimiätläre zur tırışlıq kürsätep, törle çaralar uzdırırğa niätlänä. Mäsälän, suğış veterannarı 30 mayğa xätle oçsızraq bäyägä televizorların, radioalgıçların, ker yuw häm başqa şundıy könküreş maşinaların remontlata alalar. Suğış awırlığın üz cilkäsendä tatığan keşelär öçen sanatoriylarda yal itü, invalid arbaları, avtomobillär birü dä däwam itelgän.

Şulay da qayber veterannarnıñ törle yünäleşlärdä bürokratiä belän köräşep yörüen äledän äle işetep torabız. Häm, ni qızğanıç, yış qına bu köräştä äbi-babaylar ciñüçe bulıp çığa almıylar. Ä inde fatir bäyälären kütärgäç, olı yäştägelär qulların yuğarı kütärergä mäcbür buldılar.

Könnän-kön azaya veterannar. Sağışlı statistika: 2002 yılda ğına da Qazanda 800 yaqın keşe bu dönya belän xuşlaşıp kitkän. Şularnıñ küpmese xakimiätkä, yaqınnarına bäxil dip, räxmätle bulıp kitkänder - monısın statistika sanamıy. Ä qızğanıç...

Damir Ğısmetdin, Qazan
XS
SM
MD
LG