Accessibility links

дүшәмбе, 5 декабрь 2016, Казан вакыты 07:42

Süriä vä Liwandağı söyläşülären tämamlağan däwlät sekretarı öyenä qaytıp kitte


AQŞ däwlät sekretarı Colin Powell bugen Süriä vä Liwan citäkçeläre belän Yaqın könçığıştağı wazğiätne tikşeregännän soñ başqaladan kitte. Beyrutta ütkärgän press konferensiädä Powell kuartet dip yöretelgän AQŞ, Yevropa Berelege , BMOsı häm Russiä tarafınnan äzerlängän ‘solıx yulı’ isemle tınıçlıq planı töbäktäge illär tarafınnan yaqlanırğa tieş dip belderde. Powell (audio) Kuartetneñ täqdim itkän Solıx Yulı barlıq taraflarğa yöklämä häm cawaplılıq yäkli. Bez terror vä köç qullanunıñ tuqtaluın kürergä tieşbez. Bez xalıqnıñ ber territoriedän ikençesenä ciñelleräk küçep yörüe öçen İzrael yağına , şulayuq ikençe yaqnıñ üz rolleren başqaruı öçen basım yasayaçaqbız. Colin Powell bugenge söyläşülären Damaskta prezident Başar al Assad belän başladı. Powell süzlärençä Süriä İzraelgä qarşı qorallı törkemnär şulsanda Xızbulla ofisların yabu taläbenä cawap birgän. Ul ( audio) Yaqın könçığışta yaña strategik wazğiät häm bez şul xällärgä kileşterep Sürie belän xezmättäşlek itergä telibez dip belderde. Beyrutta C:Powell Liwan xökümäten izrael çigenä üz armiäsen urnaştırırğa häm Xızbullanı andan çigenderergä çaqırğan. Beyrut; İzrael könyaq Livannı okupatsiäläp totqan möddätçe çiktä üz armiäsen urnaştırunı kire qağa

XS
SM
MD
LG