Accessibility links

җомга, 9 декабрь 2016, Казан вакыты 18:42

Pol’şa prezidentı Aleksandr Kwasniewski Quşma Ştatlarnıñ Ğiraqta tınıçlıq saqlaw planı nigezendä Ğiraqnıñ tönyağındağı xalıqara totrıqlılandıru köçlären Pol’şa citäkliäçäge turındağı xäbärlärne rasladı.


Xäbärlärgä qarağanda, bu ay axırında AQŞ häm anıñ berektäşläre Ğiraqnı AQŞ, Britaniä häm Pol’şa idaräsendäge 3 öleşkä bülep anda totrıqlılaştıru köçläre urnaştıraçaq. Kiçä AQŞ Prezidentı George Bush AQŞ citäkçelegändäge köçlär Ğiraqta küpläp üterü qoralların tabaçaq dip isäpläwe turında belderde. Älegä Bush Quşma Ştatlarğa qurqınıç tudıruda ğäyeplägän ber genä ximik yäki biologik qoral da tabılmadı. Bügen Bağdadta AQŞ räsmiläre Ğiraqnıñ yaña xökümäte oyıştırılğançığa qädär Ğiraq neft’ ministrlığın citäkliäçäk idarä törkeme oyıştırıluın iğlan itte. Bügen Xalıqara Qızıl Xaç Komitetı tağın ber märtäbä, üz wäkillärenä Ğiraqnıñ barlıq äsirläre belän, şul isäptän Ğiraqnıñ äsirlektäge yuğarı räsmiläre belän oçraşu mömkinlege birüne taläp itte häm AQŞ citäkçelegendäge köçlärne äsirlär turındağı Jeneva Konvensiäsen xörmät itärgä çaqırdı.

XS
SM
MD
LG