Accessibility links

җомга, 9 декабрь 2016, Казан вакыты 11:00

Üzbäkstan prezidentı İslam Kärimov Üzbäkstan xökümäte keşe xoquqların boza digän ğäyepläwlärgä tieşle cawap birä almadı.


Kärimov Yewropa Tözekländerü häm Tärräqiät Bankınıñ yıllıq utırışı açılışında fizik azaplawlarnı ğäyepläp çığış yasar dip kötelgän ide. Ämma ul Üzbäkstannıñ bäysezlek aluınnan soñğı iqtisadıy reformalarda ireşelgän uñışlar häm demokratiä turında çığış yasadı. Keşe xoquqlarına bäyle wäzğiätneñ bu çığışta iskä alınmawı Yewropa Tözekländerü häm Tärräqiät Bankı räsmilärenä häm başqa wäkillärgä oşamadı. Britaniäneñ tärräqiät ministrı Clare Short Kärimovnı BMO wäkileneñ Üzbäkstan törmälärendä sistematik räweştä fizik azaplawlar qullanıla digän xisabına cawap birergä öndäde. Keşe xoquqları torışın küzätep baruçı xalıqara oyışma Human Rights Watchnıñ başqarma mödire Kenneth Roth bügenge çıyılışqa möräcäğätendä Üzbäkstan Yewropa Tözekländerü häm Tärräqiät Bankı quyğan säyäsi häm iqtisadıy maqsatlarğa ireşä almadı dide.

XS
SM
MD
LG