Accessibility links

Кайнар хәбәр

Hindstan belän Paqstan yuğarı däräcädäge söyläşülärgä äzer buluların belderde


Paqstan häm Hindstan mönäsäbätlärne caylawğa bağışlanğan yuğarı däräcädäge söyläşülärne başlarğa äzer. Paqstan premyer-ministrı Zafarullah Jamali’nıñ comğa könne Vajpayee’ğa cibärgän çaqıruına uñay cawap alınğan. Bolar xaqında Paqstannıñ tışqı eşlär ministrlığınıñ matbuğat wäkile Aziz Ahmed Khan belderde. Bez böten mäs’älälärne dä urtağa salıp söyläşergä äzer. Läkin Jammu häm Kaşmir nizağı-töp mäs’älä, häm bez anı köntärtibenä ni qadär tizräk quysaq, ni qadär citdiräk qarasaq, şul qadär äybäträk bulaçaq. Läkin bu-ike il arasında söyläşerlek başqa mäs’älälär yuq digänne añlatmıy”, dide Khan. Monnan tış Paqstan atom töş qoralın yuq itergä riza bulğanın belderde, läkin monıñ öçen Hindstan da şundıy uq adımğa barırğa tieş. Tışqı eşlär ministrlığınıñ matbuğat wäkile Aziz Ahmed Khan-Paqstannıñ qoralsızlanırğa teläge zur, dide. Läkin bu teläk-ike yaqlı bulırğa tieş, dip östäde Khan. Hindstan belän Paqstan arasında yuğarı däräcädäge oçraşunıñ qayda häm qayçan bulaçağı älegä xäbär itelmi.
XS
SM
MD
LG