Accessibility links

чәршәмбе, 7 декабрь 2016, Казан вакыты 19:20

AQŞ Yaqın Könçığıştağı ilçese William Burns yaña fälestin premyer-ministrı Mähmüd Abbas belän oçraştı


Amerika Quşma Ştatlarnıñ Yaqın Könçığıştağı ilçese William Burns häm yaña bilgelängän fälestin premyer-ministrı Mahmud Abbas bügen oçraşıp solıx planı turında fiker alıştı. Soñınnan jurnalistlar belän oçraşuda Burns, Amerikan prezidentı G.Bush-ike däwlät yaqlı, dip belderde. “Tınıçlıq yulı” dip isemlängän planda ike yaqnıñ da köç qullanunı tuqtatuı qaralğan, 2005nçe yılğa Fälestin däwläteneñ tözelüe farazlana. Mahmud Abbas jurnalistlar aldına çıqmadı. Fälestin aradaşçısı Saeb Erekat, premyer-ministr Amerikan ilçese Burns’qa-İsraeldän tınıçlıq planına qarata räsmi fikeren kötüen äytkän dip belderde. İsrael premyer-ministrı Ariel Şaron bügen Yerusalimda, İsrael nindi dä bulsa mäs’älälärdä çigenä ala, läkin iminlek mäs’äläsendä tügel, dide. “İsrael tınıçlıq teli, häm tınıçlıq arqsında qayber mäs’älälärgä çigenergä äzer, ber genä mäs’älä bar-İsrael bu ölkädä ber qayçan da yul quymayaçaq-İsrael watandaşlarınıñ iminlege häm İsraelneñ iminlege turında süz barğanda-ber nindi taşlama bulmayaçaq", dide Şaron. srael tınıçlıq planında riza bulmağan qayber sorawların bilgeläde. Başta Abbas fälestin suğışçıların kontrolgä alırğa tieş, digän täqdim bar. Şaron belän Amerikan wäkile Burns kiçä oçraştı.

XS
SM
MD
LG